Urtea behar den bezala hasteko kontzertua antolatu dute ZarataZarauzkoek Zarauzko Putzuzulo Gaztetxean. Urtarrilaren 3an eta gaueko 21:30etatik aurrera, bi talde interesgarri ikusteko aukera izango dugu Zarautzen.

Lehenak oholtzara igotzen, Bilbotarrak diren Jodida Actitud Normal izango dira. Talde benetan mitikoa da J.A.N. 1994tik Hardcore Punkari ematen dabiltza Euskal Herriko txoko ilunenetan.

Hauen ostean, ONU baino herri gehiagotako jendez osaturiko Cop De Fona taldeak joko du. Espainiar Estatuan bira txiki bat burutzen dabiltza gabonetan eta Putzuzulon bigarren aldiz izango ditugu jotzen.